Archive for Mayo, 2010


The-PCOS-MachineNgayong apat na araw na lamang at nalalapit na ang halalan papaano ba pinaghahandaan ng isang Batangueño ang darating na halalan? Alam mo naba kung paano ang tamang pagboto?  Eh ang paraan ng AUTOMATED ELECTION gamit ang PCOS machine. Kung hindi pa alamin dito : How to Vote in an Automated Election. Alam mo na rin ba kung saan ang iyong presinto? Sa ngayon kasi nagkaroon ng pagbabago. Nagkaroon ng tinatawag na CLUSTERED PRECINCTS. Upang malaman ang inyong presinto bago ang halalan bisitahin ang COMELEC WEBSITE dito: How to Find Online You Precinct Before Election Day

Ang mga susunod na araw ay mahalaga para sa ating mga Pilipino.Ito ang pinakahihintay nating lahat. Isa kasi itong milestone sa ating kasaysayan, ang magpapabago  ng ating kasaysayan. Kung makabubuti man ito o makasasama, yan ang hindi natin alam. Siyempre tayong lahat ay umaasa ng pagbabago. Kasi ba naman lahat ng kahirapang ating nararanasan ay dahil sa hindi maayos na pagpapatakbo n gating gobiyerno. Tama, lahat ay isinisisi sa ating Gobiyerno, pano ba naman kasi, talamak ang kurapsyon sa ating bansa mula sa maliliit na institusyon hangang sa pinakamalaking sangay ng ating pamahalaan. Ang kurapsyon ang sinasabing numero unong nagpapahirap sa ating bansa. Kasunod nito ang mga tiwaling opisyal ng pamahalaan na walang ginawa kundi ang apihin ang maliliit na mangagawa, mangangalakal at simpleng mamamayan. Iniisip lamang nila ang kanilang mga makakasariling hangarin.

Kaya’t ngayong darating na HALALAN, marapat lamang na tayong lahat ay makialam. Bantayan natin ang ating mga boto. Mahirap ng Madaya at maulit ang GARCI SCANDAL noong panahon ni Presidente Arroyo. Kailangan din maging MAPANURI at PAGISIPAN nating mabuti kung sino ang nararapat na pagkatiwalaan at manungkulan para sa ating bansa, bayan o lalawigan. Hindi porke’t SIKAT NA ARTISTA iboboto na. Wala namang kredibilidad. Hindi qualified na manungkulan. Hindi porke’t ating KAIBIGAN o KAMAG-ANAK yun laang. At higit sa lahat huwag po nating ipagbibili ang ating mga boto kapalit ng pera ng mga kurakot na opisyal.

Huwag tayong magpatianod lamang tulad ng mga waterlilies. Lahat tayo ay manindigan, Iboto ang sa palagay natin ay KARAPAT-DAPAT at kayang maglingkod ng TAPAT sa ating bayan.

Sama-sama nating bantayan ang ating mga boto laban sa PANDARAYA. Sama-sama nating bantayan ang ating boto laban sa KATIWALIAN. Hindi dahil automated na, mawawala na ang mga pandaraya. Hanga’t hindi nawawala ang mga tiwaling Opisyal sa pamahalaan hindi masusupil ang KATIWALIAN. Bawat isa ay instrumento ng PAGBABAGO.

Advertisements

Hindi ako mahilig manood ng mga reality shows gaya ng mga singing at ng iba pang talent search contests. Mas madalas kasi na pinapanood ko yung mga temang madudugo, bakbakan at kung ano-ano pang walang kwentang shows na puro bentahan ng walang kwentang gamit ang napapanood. Pero nakahatak ng pansin sa akin ang bagong Youtube Sensation na si Jovit Baldivino ng Pilipinas Got Talent na ine-ere sa Kapamilya Channel tuwing Sabado at Linggo (weekdays ata meron na ding replay). Habang isinusulat ko ang blogpost na ito, ang video niya sa youtube kung saan siya sumikat ng husto ay mayroon nang 3,898,143 hits at pimipitik-pitik pa (pero tinangal na ata ng kung sinog KJ). Hindi ko naman talaga papansin ang isang ito kung hindi rin lang siya taga-Batangas. Siyempre pag taga-alaeh, siguradong talented hindi ga?

At ngayon ngang nakaraang Linggo, muli tayong pinahanga ng isang Jovit Baldivino. Siya ang kauna-unahang finalist ng Pilipinas Got Talent 2010. Siya rin ang kauna-unahang contestant na binigyan ng full-standing ovation ng mga manonood at higit sa lahat ng mga hurado dahil sa kanyang magandang rendition ng kantang Carrie na pinasikat ng bandang Europe. Ang sabi pa nga ni Kris Aquino “Ikaw ang male version ni Charice Pempenco ahahaa…”.

Ang first batch ng semi-finalists ay idinaan sa text votes at online voting ang labanan, kung kaya naman masasabi nating naging fair ang labanan ng anim na semi finalists na kinabibilangan nina Ruther Urquia ng Luzon, Jhistine and Filemon Baguio, the Snap Boiz ng Visayas, Xavier University Cultural Dance Troupe at si Rolando Permangil of Mindanao.

Sa anim na naglaban laban, nakakuha si Jovit ng mahigit 80% ng kabuuang boto kaya naman siya ang automatikong pumasok sa grand finals. Pumangalawa si Ruther Urquia na naglabas pa ng extra puppet na ikinatuwa ng judges. Pero kung ako ang tatanungin mas naaliw ako sa Snap Boiz dahil bukod sa madugo at medyo may bakbakan ang kanilang pagsayaw mas higit na kinaaliwan ko ang kanilang pagiging madumi. Gusto ko kasi ang madudumi. Masarap ang madumi tulad ng mga nabibiling pagkain sa kalye. Kaya lang hindi sila taga Batangas saka niloko nila ang taumbayan dahil sa pagkakaroon ng snow sa Pinas. Kaya kay Jovit padin ako, Go! Jovit! Nakakatuwa kasi itong si Jovit sapagkat bukod sa kanyang talent at Fansclub, napakahumble rin ng batang ito.

Suportahan po nating muli si Jovit Baldivino sa kanyang mga darating na laban, upang ng sa gayon, ang hiranging kaunaunahang Pilipinas Got Talent Champion ay Proudly Alaeh-Made…